Samarkand regional
theater of musical Drama

Кўчки – фақат табиат ҳодисасими?

Катта тоғлар билан ҳар томондан ўралган манзили номаълум қишлоқда маҳаллий аҳоли баланд овозда гаплашишмайди, овоз чиқариб кулишмайди. Чунки, товуш тўлқинлари қор кўчкисини келтириб чиқариши мумкин.

Оддий бўлмаган бу вазиятда, кўчки кўчиш хавфи йилнинг тўққиз ойи давомида сақланиб қолади.... Ва атиги уч ой давомида маҳаллий аҳоли бақириб-чақириши, қуролдан отиши,  тўй-томоша қилиши, чақалоқ дунёга келтириши мумкин бўлади...

Тақдир тақозаси билан ана шу кўчки хавфи кучайган бир пайтда қишлоқдаги бир оилада чақалоқ дунёга келиши кутилади. Спектаклда шу муаммонинг ечимини излаш, авлодлар давоми саналган дунёга келадиган бегуноҳ гўдак ҳаётини сақлаб қолиш, аммо шу билан бирга муқаддас ҳисобланмиш ўз қишлоғи, Ватанини кўчки хавфидан асраш каби зиддиятларга тўқнаш келинади.

Шундай мураккаб вазиятда, ўлим хавфи муқаррарлиги аниқ бўлганда ҳам асар қаҳрамонлари туғилиб ўсган маконини ташлаб кетишмайди. Аксинча, дунёга келган гўдакнинг беғубор кулгуси бутун қишлоқни асрлар давомида сақланиб келган хавфдан енгади.

Саҳналаштирувчи режиссёр – Валихон Умаров

Саҳналаштирувчи рассом – Баҳром Сафоев

Бадиий раҳбар – Баҳодир Шарафов

ҚАТНАШУВЧИЛАР:

Момо          -  Ўзбекистонда хизмат кўрсатган артист

                       Гулбаҳор Мамедова

Бобо           -   Ўзбекистонда хизмат кўрсатган артист

                        Бахрулло Рахимов

Келин          -   Шоҳсанам Облоқулова

Ўғил             -   Жамшид Муродов

Ота              -   Ўзбекистонда хизмат кўрсатган артист

                    -   Бахтиёр Рахимов

Она             -   Сарвиноз Саитова

Доя             -    Меҳри Ҳакимова

Раис           -     Ўзбекистонда хизмат кўрсатган артистлар

                         Солижон Ҳакимов

1-аъзо         -    Онабиби Мардиева

2-аъзо         -     Фарид Расулов

                          Турдимурод Худойбердиев

1-посбон     -      Ҳаёт Ҳамидов

2-посбон     -     Озод Қурбонов