Samarqand viloyati
musiqali drama teatri

Joriy yilning 28-30 may  kunlari  Samarqand viloyat musiqali drama teatrining ijodiy jamoasi  Sadriddin Ayniy nomidagi Tojikiston davlat akademik opera va balet teatri sahnasida taniqli gruzin dramaturgi A.Sagarelining “Xonuma” (sahnalashtiruvchi rejissyor B. Nazarov, kompozitor G.Kancheli, J.Jabborov  tarjimasi)  musiqali dramasini  tomoshabinlar e'tiboriga havola  etadi.
         “Ijodiy  safar davomida  biz Sadriddin Ayniy nomidagi tojik Davlat akademik opera va balet teatri  bilan  ijodiy hamkorlikni yo‘lga qo‘yib,  o‘zaro munosabatlarni rivojlantirish samaradorligini oshirish,  ijodiy safarlar tashkil etish  hamda  teatr sohasida  muntazam ravishda tajriba almashish  maqsadida Memorandum tuzishni  rejalashtirganmiz”,-deydi  teatr direktori Iskandar Sultanov.
      Shuningdek, safar davomida ijodiy uchrashuvlar hamda o‘zbek va tojik san'at ustalari ishtirokida “Do‘stlik oqshomi”-“Shomi do‘sti” gala-konserti ham  bo‘lib o‘tadi.